Startseite
Sport
Fasnacht
Die schönsten Sport-Pointen der Schnitzelbänggler: FCZ-Abstieg, Mirka Federer und Vladmimir Petkovic
Nach dem Morgestraich und dem Cortège traten am Montagabend traditionsgemäss viele Schnitzelbänggler in Restaurants, Cafés und Cliquen-Kellern auf. Dabei wurde nicht nur die obligaten Witze über die Zürcher gemacht, sondern auch Ereignisse und Personen aus der Sportwelt angemessen verballhornt.
Die Schnitzelbänggler machten sich auch dieses Jahr über die Sportler lustig.
Von «D Rätschbääse» (BSG)
«In Aarau und in Neuchâtel gits ney e Phenomeen.
Au in Wohle, Gänf und Winterthur hänn alli Angscht vor Gleen.
Au z Chiasso und in Wil het me Horrorgleen scho gsee.
Derby isch s d Frau Canepa gsi uff Challenge League-Tournee.»
Von «D' Laggaffe»
«Darbellay und Löw die hänn `s glych Problem
Doch wie si`s löse, het jede si System
Wenn`s unde juckt, kratzt sich dr eint am Ei
Und dr andr liggt, halt zwüsche fremdi Bei.»
Von «Bäffzgi» (VSG)
«Im Appizäll deert hänn’s dr Alpabstiig all Joor und de Bärgstyger stoht nonem Gipfel dr Wandabstiig bevor und z’Basel macht yss dr Källerabstiig all Joor gluschtiger aber dr Ziircher Abstiig finde mir vyyl luschtiger.»
Von «D'Schnapsbagge» (VSG)
«Meine Damen und Cherren, missen wir sein nicht bleed, will ich, dass alle Leute in Schweiz das Weg, das will ich, mit mir geht.
Habe ich lustige Arbeit und wenn rede ich deitsch, werde ich froh.
Jä – toll, Herr Petkovic, aber s‘wär no geil, wenn me sie au wurd verstoh!»
Von «Batallioonsglùnggi» (BSG)
«Dr Canepa und dr Heusler sitze ùf em Jungfraujoch dringge zämme waarme Thee und luege aabe in das Loch doo bikùnnt dr Heussler Schiss und ihn verloot dr Muet
dr Zircher sait em hèb kai Angscht abstyyge kanni guet.»
Von «Babberlababb» (BSG)
«Wo dr Roger geg‘ dr Wawrinka muess spiile
Sesch ihn immer irritiert zur Mirka schiile
Im pinke Pulli wartet sii scho näb em Platz
No dänggt är: «Du, do spiil i lieber non e Satz!»
«Bildsteerig» (Bängg-fir-Basel)
«Bim Dischgebätt danggt me firs dääglig Brot
und hoolt soo d Hilf vo Oobe ins Boot.
Bim Putin dien sich, isch doo myy Gedangge, d Sportler firs dääglig Dooping bedangge.»
Bilder vom «Morgestraich»:
