Stadtbummel

«Samichlaus, säg, packt di die Flugscham nid au chli?»

Greta-Bänze am Chlausemäret in Solothurn: Wie siehts mit der Flugscham beim Samichlaus aus?

Greta-Bänze am Chlausemäret in Solothurn: Wie siehts mit der Flugscham beim Samichlaus aus?

Hüt isch Samichlaus-Tag, und us däm Grund gits a dere Stöu es Värsli.

Samichlaus, mir hei e Wunsch
Mir wei as du zu üs hüt chunnsch
Du fingsch dr Wäg ganz eifach, gäu
Foug nur däm Liecht vom Bärg, ganz gräu


Lila lüchtets, höch und wiit
Wenns Wouche drum het gar wienes Polarliecht erschiint
Chaschs nid verfähle im Norde dobe
Gsehsches vom Polarkreis obe


Du weisch jo wo, bisch au scho gsi
Am Chlausemäret, die Wuche, e chli
Mit Schoggi, Nüssli und Gebäck
Und zwe Eseli mit im Gepäck

Säg, wo flügsch no aues hi?
Packt di die Flugscham nid au chli?
Wenn Johr für Johr um d’Wäut drum jettisch
Hingerlosch e Fuessabdruck wo doch nid wettisch?


Egau, ar Wiehnacht darf me das
Stromspare: Was isch das, was?
Vom Kran ir Hauptgass bländets farbig
Dr Stärn vo Bethlehem ischs nid – s’isch Wärbig!

Umso schöner isch d’Belüchtig wo mir ändlich wieder hei
4000 Lämpli i de Gasse, öppis, wo mir aui wei
Romantisch ischs, jo besinnlich
Dr Stromverbruch isch wenig – ziemlich


Samichlaus, doch säg jetzt ändlich
Wie hesches mit däm Konsum-Wahn?
Du schänksch und schänksch, mir söue chaufe
Doch was isch mit däm Klima-Plan?


Mir sötte spare, bsunders Rohstoff
Doch ider Stadt hets Lüt wie nie
Für üsi Wirtschaft isch das super
Doch wei mir nid mou d’Brämse zieh?


S’isch au i dim Sinn, liebe Maa
As mir’s jetzt schön hei ohni «z’ha»
Zäme höckle, zäme sii
Nang chli gniesse, wär isch drbii?


So schön war der Chlausemäret 2019 in Solothurn:

Verwandte Themen:

Meistgesehen

Artboard 1