Lenzburger Jugendfestsprüche

S Manöver muesch gseh ha, s dröhnt lüter als d Vuvuzela.

Drucken
Teilen
Jugendfest Lenzburg 2010 Spruch

Jugendfest Lenzburg 2010 Spruch

Stadtbibliothek

Mit em Christoph
goht am Jugendfescht
es schöns Stück
Poesie verlore.

Am Morge brave Bürger
z Mittag en wilde Ma -
E so nes Gunteräri
chasch hüt nur z Länzburg ha.

Kirchgasse

S Manöver
muesch gseh ha,
s dröhnt lüter
als d Vuvuzela.

Es isch verbi mit Spiel und Spass
i de undere Isegass.
Chasperlet wird trotzdem no,
muesch nur zum Brauen ufegoh.

Untere Rathausgasse

De alti Stapfer
wehrt sech tapfer :
I bi do de Boss -
i blib uf em Schloss!

Fürs Lifting wär i jetzt so wyt,
und für en Lift wärs au grad Zyt.

Hirschen

Suure Bio-Wi vom Schloss?
Lieber rauchi ! seit de Fauchi.

Bhüt eus Gott
vor em
Chränzli-Verbot!

Hächler/Schneider

Am Manöver, wirsch es gseh,
ritet au en grüeni Fee!

A de Ammerswilerstross boret au d BP -
es teeret und teeret und chasch keis Ändi gseh.

Kafi West

Am Morge ab i d Stadt go feschte,
zobe zrugg is Näscht im Weschte.

Wänn zum Ässe eis wotsch rauche,
muesch i d Gartebeiz go schmauche.
Und wotsch dezue no diskutiere,
muesch e Nachtlärm-Buess riskiere!

Kirchgemeindehaus

Vom Weschte
gsehsch s Fürwerk
am beschte.

Suuf nid z vill,
susch bisch zobe
wie d Chugele im Wappe!

Bahnhof/Raiffeisen

D Bahnhofplanig stoht still -
Gottlob fahred Zög !

Hero-isch plant im Grössewahn:
d Stapferhöhli mit de Bahn.

Burghalde

A de Burghalde
herrscht Grabechrieg!

Im Museum gohts
um Ässe und Macht.
I freu mi scho
ufs Behörde-Znacht.

Schützenmatte

D Schütze matt,
und mir sind fit!

Im Länzert
Schützefescht-
uf de Schützi
Jugendfescht.

Aavorstadt I

Alternativ-Energie
im Angelrain:
D Lehrerinne verheize!

Im Urban chasch es plastisch gseh:
De Film und d Madlen in 3D.

Aavorstadt II

De Name:JVA
chan is nid überlischte,
au s nöie Gfängnis
isch e Chischte.

S Altersheim isch alt und schwach,
jetz legets au no d Pflegi flach.
Ich hoff, dass de Nöibou bald entstoht,
i zäh Johr wärs für mich denn z spot!

Klausbrunnen

Nachem Fisch us de Fritöse
e Massasch bi de Massöse!

Güggelbrunnen

De Güggel uf em Güggelbrunne
blinzlet nid i d Morgesunne.
Wenn i gnueg vom Baggere ha
legg i mir en Burka a.

Ortellibrunnen

Mer hebed zäme, fescht wie Chleischter,
drum sind mir Jugedfeschtwältmeischter!

Schützenbrunnen

Losed bevor s verhallt :
Länzburg isch verknallt!

Kronenbrunnen

S Tourismusbüro freut sich mächtig:
D Brünne sind hür bsunders prächtig.

Römerbrunnen

Chaufed Freischare-Pin, liebi Lüt,
ohni Gäld gits s nöchschtmol nüt.

Begegnungsbrunnen

Im Angelrain
flüged d Ängeli us!

Ammerswilerbrunnen

D Widmi mues goh,
d Dampfwalzi blibt stoh.

Warteckbrunnen

S Jugendfescht isch nid ohni!
Für d Schüeler gits hüt Boni!

Aabachbrunnen

Mit s Cavallaros neuem Gartehus
gseht Chli-Venedig no viel schöner us.

Aktuelle Nachrichten