Händer da au scho mol gha? Er händ gliichziitig welle a zwöine Ort sii.

Jugendfestrede 2010 von Rolf Kromer, Lenzburg

Drucken
Teilen

Liebi Jugendfestchind
Mer passiert das ebe vell. Zorn Biispiel beni grad letschti gliichziitig a zwöine Geburtstagsfescht iglade g‘sii. Schwierig. Grad jetzt wetti ufem Metzgplatz sii ond d'Red vorn Ueli Häusermann g'höre ond gliichziitig wetti aber au do be Euch mmi Red halte. Schwierig. Vellecht get's au onder euch settig, wo d'Jugendfeschtred scho wette i de Stadtchile g'höre be de Grosse oder nomol en Knicks mache be de Chline.

Anderi wetted vellecht do am Jugendfescht sii ond gliichziitig scho wiit fort i de Ferie. S'get settig die wette gueti Note ha ond gliichziitig ned lehre. Oder es get settigi, die möchte vell Sackgäld öbercho ond gliichziitig nüüt welle hälfe. Oder s'get sogar Schlaumeier wo wettet vell verdiene ond gliichziitig fasch nüüt schaffe.

Es get zwar scho Sache wome gliichziitig cha mache. Bem Gotthard grabeds jo au gliichziitig vom Norde ond vom Süde. Oder bem Moonwalk: kenned ehr de, dasch de Schritt wo de Michael Jackson emmer gmacht het, lauft mer gliichziitig henderdsi ond försi, es gseht ämel so us. Drom han ich mehr öberleit, dass es doch au set möglech sii, alli vier Jugendfeschrede z'ghöre oni eini zverpasse.

Aber wie chönnt das goh? Wie goht das? Genau! Ganz eifach! Mer chönnte alli gliichzytig ganz ruhig sii, ond lose öb mer en anderi Red ghöre. De Metzgplatz, d‘Stadtchile oder de Freischareplatz send jo ned eso wiit wäg. ich ha en Idee: uf mis Zeiche send ehr alli ganz ruuhig. Also ich zelle uf drüü ond denn semmer alli mucksmüüsli still. De ghöre mer, was si a de andere Orte verzeller. Send ehr parat? Eis, zwöi, drü.

Händ ehr öbbis ghört? Ich ha nüüt ghört. Aha, jetzt chomi druus. Die mache gliichziitig s'Gliiche wie mer, die wänd lose was be eus verzellt wird. Ond jetzt womer gliichziitiig am lose send, ghöre diä ä nüüt. Ond mer ghöre nüüt weil si am lose send. Ond weil all am lose send, ond niemer öbbis seit, ghört öberhaupt niemmer öbbis.

S'Einzige womer i Senn chonnt wo mer wörklich gliichzytig a verschidene Orte cha si, ischs Träume. Do chani im Bett liege u gliichzytig ufern Mond si - kes Problem. Oder es isch Januar, ich schlofe ond träume und bi gliichziitig im warme Juli am Jugendfescht. Bem Tröime chame z'Länzborg entspannt im Bett legge ond gliichziitig z'Honolulu am Strand flörte. Oder me cha tröime im FC Länzborg z'tschutte ond gliichziitig holländische oder spanische Wältmeister z'sii. Ah jo, hend ehr eigentlech gwösst, dass Lenzburg das Johr
Jugenfestwältmeister worde esch? Aber das nor näbebii.

Übrigens: händ er Kanoneschüss höt am Morge ghört? Das het jo klöpft wie nie. Be dene Schöss esch mer plötzlech öbbis in Senn cho. Ich ha öbbis unglaublichs entdeckt! Es muess en ganz gnaue Plan geh, wie die Kanone uusgrechtet wärde. Die Kanone wärde jo met Sagmehl ond Ziitige gstopft und denn ergendwie mit Dynamit gsprängt. Ich weiss es doch au ned genau.

Wieso dass es en ganz gnaue Plan get? Weil ich weiss, dass jedes Johr - ohni Uusnahm - alli Ziitige und alls Sagmähl genau exakt ufem huusdach vo minere grossmueter lande. Esch wörklech kei Wetz. Jo ond wer muess es denn weder vom Dach abehole? Genau, ich! Ich Säge euch, es get in Länzborg gliichziitig säge mer mol öppe 5000 Dächer. Wieso lande die Ziitige und das Sagmähl jedes Johr uusgrächnet uf dem Dach, wo is mues go botze? Denn wetti arne au arnene andere Ort sii.

Wobii ufrege weri fehl am Platz. Weil gliichziitig wie ich schaffed jo ganz Länzborg förs Jugendfescht. Zorn Biispiel gliichziitig wie mer jetzt do ufern Hüenerwadelplatz send, duet de Beck d'Worstchwegge vorbereite, im Rothus schleppets de Wii vom Chäller unde ue, ufde Schötzi lönds Bahne lo warm laufe, d'Führwärcher ufern Schloss düend d'Ragete uf de Mond rechte ond i de Restaurant sends am staubsuuge. Ond das alles gliichziitig.

So, ond jetzt muess i euch no öppis biichte: Wenni nämlech ganz ehrlich ben, muess i euch säge, dass ich mech a kei einzigi Jugendfestred me mag erinnere. Ke Ahnig me, om was es det amigs gange esch. Ich erennere mech ned emol me do dra, wer si ghalte het. Piinlech. Das mues sech ändere. Dorom machi jetzt no en Teschtfrog öber alles kapiert händ onds euch denn länger chönd merke, als ich mers han chönne merke. Also wer esch Jugendfeschtwältmeister 2010?
Jo genau.

Liebi Länzborger Chind! Gnüssed de höttig Tag als Wältmeister. Ond läbed alli gliichziitig de Traum vom wältbeschte Jugendfescht.
Tschau mitenand.

Aktuelle Nachrichten