Schnitzelbängg

«Liebe Geri, du kasch uns Selfies schigge» - die besten Bängg zu Geri Müller

Der Badener «Skandal-Geri» ist auch an der Basler Fasnacht ein Thema. Kein Wunder ist das Haupt-Sujet ja Selfies - und Geri Müllers Selfie ist wohl das berühmteste vom vergangenen Jahr.

Erootisch het e scheeni Frau dr Geri lyycht erregt

wie kumm y an die aane? Het er sofort iberlegt.

No het er mit sym Ai-Phone schnäll e Pfyffli-Bildli gschiggt

will jeedi Frau bim Aabligg vom sim Gsicht no mee verschriggt.

D Rätschbääse

Si, ich ha dr Sexualtriib vo männligge Schimpanse

mit em Geri Müller vergliche - im Grosse und Ganze.

Si, und vom Resultat härjo do bini baff

dr Verhaltensgstöörti isch nit dr Aff!

Und grad von schiggt mir da Schimpans

e Selfie - vo sim Affeschwanz!

Dr. FMH

Liebe Geri, du kasch uns Selfies schigge

vo dim Zeche, vo dim Buuch, däm digge,

au dis Pfiffli versetzt uns nid in Rage,

aber verschon uns doch mit dinere Visage.

Wäägwyyser

Vo Medizin verstand y nüt, dasch gar nid my Materie.

Y weiss grad knapp: S git Veene und eebefalls Arterie.

D Fraue häi glaub Ovarie. Bim Maa wäiss y s Fremdwoort nid.

Aber dank dam Müller wäiss au ich, dass es Geritalie git.

Heiri

Der Geri Müller het ungeniert

im Byyroo si Pfyffli fotigrafiert.

So eppis macht äär ganz spontaan;

hejoo, äär dänggt mit däm Orgaan.

Bildsteerig

E Kolleg hätt mit em Gerry Müller uff's Selfie selle

Doch kain hett mit ihm uff das Selfie welle

Denn hett är - zwor e bitzeli wyter unde

Doch no e Kolleg fir's Selfie gfunde

D'Clochard

Meistgesehen

Artboard 1