Basler Fasnacht

Conti, BVB und BaZ - Die Beschte Schnitzelbängg vo däm Joor

Der Fasnachtsstart ist mit dem Morgestraich und dem ersten Cortège-Tag gelungen. Das gute Wetter trug viel dazu bei. Beim ersten Schnitzelbangg-Abend standen die Spesen von Carlo Conti, die BVB-Affäre, die BaZ, Eric Weber und Alice Schwarzer im Fokus.

Für die grossen Cliquen kamen die grossen Basler Politskandale rund um die BVB und die Spesen von Carlo Conti zu spät. Dafür kriegen Wessels und Conti in den Schnitzelbängg reichlich Fett ab.

Wo dr Conti d Kööle uff syyne Konti zellt
Dunggt s iin dä Uuszuug haig d Coop-Bangg zuegstellt
Liebe Carlo - d Leesig liggt uff dr Hand
Ä Wäggsel in Regierigsroot vo Baaselland
Die Unerheerte

Är schuuflet Sitzigsgälder in eigene Sagg,
drumm goot dr Conti jetz mit Sagg und Pagg.
Wär weiss welle Regierigsroot,
vo Land und Stadt denn au no goot.
nur an eim doo goot das voll verbyy.
wär ladet dää Wessels scho an e Sitzig yy.
S spitzig Ryssblei

Überhaupt, die BVB: Sie beschert so manchem Bangg eine träfe Pointe. Die Unerheerte etwa bringen die Sitzwahl in den Drämmli aufs Tapet:

D Sitzwaal het bi de Drämmli groosses Gwicht
Holz, Kunschtstoff oder Speziaalbelaag geege Gicht
Als neyschts - das wunderet kai bitz
fiert d BVB au Schleidersitz
Die Unerheerte

Im Ziggzagg faart e Frau in Ziiri znacht ellai duur d Stroosse
e Schugger wo si stoppt sait kuurz: «Jä jetz mien si halt bloose!»
Do sait die Schaabe: «Noo so gäärn! Y ha scho Schlimmers gsee!
Y schaff fir e Verwaltigsroot bi dr Basler BVB!»
Rätschbääse

Dr Baumgartner vo dr BVB
Duet syny Sexmails nit so äng gseh
Denn schliesslich hett är jo nur derno
Verkehrsbetriebe aifach z'wörtlich gno.
D'Clochard

Me leerts mitVoordail beraits in der Juugend:
Eerligkait isch e scheeni Tuugend.
Numme griegsch halt dääwääg eventuell
bi der BVB kai Kaaderstell.
Bildsteerig

Auch die Basler Zeitung zieht nach wie vor Spott und Hohn von so manchem Bangg auf sich:
S git d BaZ jetzt au in verdichteter Form.
I find zwoor d Verdichtig nooni enorm.
Vom Inhalt haar, hätt doch die BaZ
logger uff ere Briefmargge blatz.
Bildsteerig

Mir hänn dr Fleischesluscht au abgschwöört und ernäären uns vegan.
Vo Kicherärbse-Linse-Gschlabber am ne Schnitzel us Saitan
Und lääse nur no d BaZ, do sinn mer konsequänt und zwar komplett,
Well dort kei einzigen Artikel Fleisch am Knoche het
Die Aabrennte

Was dr Somm in d BaZ schrybt isch e Übel!
Und was dr Bahnerth in d BaZ schrybt gheert in Kübel!
Vom Schrybstil här, khasch als gebildets Wääse,
in dr BaZ nur no d Todes-Aazaige lääse!
Die Antiquierte

Die halbi Tageswuchen-Ufflaag lyggt an Flughäfe schyyns uff,
«Dasch en Alte», meint dodruff dr Markus Somm e bitzli muff.
D Swiss persönlig heig sich vo dr BaZ zääduusig Stügg lo koo,
Me heig sy gfaltet und erfolgryych als Kotzgüggli gnoo.
Die Aabrennte

Dass Grossrat Eric Weber auf der Mittleren Brücke die Hosen herunter gelassen hat und sich dabei filmen liess, beschäftigt nicht nur Zeedel-Schreiber, sondern auch Bänggler:

Dr Eric Wäber hän mir gsee bim Käppeli Joch
Do zaigt dä Arsch uns allne stolz sy Fuudiloch
Uns zwai stöört das nit, mir bligge langsam duure
Dr grööser Schyssdrägg kunnt bi däm jo uss dr Schnuure
Babberlababb

Es stoht dr Wäber Eric pletzlig uff dr Brugg,
är paggt sy Fiidle-n-us und rieft: «Jetz tritt i zrugg!
Es isch doo z'Basel alls e riesegrosse Saich,
ich wandre us und wird jetz Sprächer vom-e Schaich...»
Dä Schaich het denn das Video gseh und lyttet uns grad aa:
«Loos, saaged däm, är sell nid koo: Dää Arsch will ich nid ha!»
S'Bangghaimnis

Neben dem NSA-Abhörskandal und den Affären von Herrn Hollande ist das Schwarzgeld von Alice Schwarzer ein beliebtes Sujet.

D Alice Schwarzer het e Konto - in unsrer scheene Schwyz .
Sii hinterzieht so Schwoobestyyre - und daas nit nur e bitz.
S isch Alice - wie bim Autofaare, bi Fraue garantiert .
Dii Gäld liggd uffem Konto, laider numme falsch parkiert!
Frau Länzli

D Alice Schwarzer kunnt an Schwyzer Zoll und meint: «Ha nüt drby!
Mi Kofferruum blibt zue Si Macho, mir luegt kei Maa hindedryy.
Moralisch gsee gits grossi Unterschied no zwüsche Frau und Maa.
Und anatomisch gsee kan ich kei Drägg am Stägge haa.»
Die Aabrennte

D'Alice Schwarzer kämpft mit harte Bandage
Bringt mängge Maa total in Rage
Hett viili Kämpf für d'Fraue gha
Aber in Sache Gäld isch sy au nur e Maa
D'Clochard

(zdr)

Meistgesehen

Artboard 1