Lenzburg
Will d Hero-Plantage nid räntiere, tuet drus es Museum resultiere

Nebst den beflaggten Fassaden, den Tannenkränzen und den mit Blumen geschmückten Brunnen gehören seit jeher auch die witzigen, spritzigen Sprüche zum Jugendfest - auch dieses Jahr. Hier die Sprüche.

Drucken
Teilen
Sprüche Jugendfest Lenzburg

Sprüche Jugendfest Lenzburg

Aargauer Zeitung

Stadtbibliothek

Haute-couture für wildi Horde?
D Freischare sind scho eitel worde!
Elegant händ si sich präsentiert.
Wänd luege, was em 2012 passiert!
So wie d Freischare
übere catwalk laufe,
chöne Dior und Co.
nüt meh verchaufe.
Kirchgasse

Im Chäller vom Pfarrhus hets Liche
Drum muess es em Bagger wiche.
Im Schneeflocke-Hus
gohts au im Summer
mängisch um Schnee!
Untere Rathausgasse

Wenn`d bim Uhrechauf
wotsch spare,
chasch znacht diräckt
i Lade fahre!
Mer muess nid würklech
bsoffe si,
zum ine Stehle
gloffe si!
Hirschen
Jugendfest
Hächler/Schneider

Wenn Seifi und Brocki fusioniere
Chasch no meh alts Züg präsentiere.
Will d Hero-Plantage nid räntiere
Tuet drus es Museum resultiere.

S AZ–Stadtbüro
brichtet nur no
übers Land.

Kafi West

My Home is my castle
seit s Stapferhus.
Z Staufe nützt halt alles nüt
det bisch niemols bi de Lüt!

Kirchgemeindehaus
Lieber Hero konsumiere,
als Heroin probiere.
Im Westen nichts Neues
Im Rathus heues.
Bahnhof/Raiffeisen
Bin i nid es hübsches Chind
i mim wisse Röckli?
Mir laufe alli Buebe noh,
wänd mir a mini Löckli!
S letschte Fäscht
Fürs Storchenäscht.
Untere Burghalde

Long Long, Hou Hou, Orchidee,
Yam Yam, McArthur oh Herrjeh!
Bald gits nume no – bigoscht
bim McDonald Schwizerchoscht.
D Stadt muesch nid lehre
schneller teere.
S Datum vom Jugedfescht
muesch chehre!
Burghalde

I de neue Chischte
Isch „Tag der offenen Tür“ gsi.
Die wo drin sind wünschte:
es sött immer eso si!
Die Wuche isch d Stadt
de Hängerplatz vo Alte und Junge
Schützenmatte
D Hero het sech etabliert:
S Gexi mitere Büchs verziert!
De alti Tanzbode chasch vergässe,
d Holzwürm händ en ganz verfrässe.
Hüt chönemer völlig gfahrlos tanze
Und uf de Schützi umeschwanze.
Aavorstadt l
I dere neue Chischte
würdi au gärn nischte.
Di schönscht Stadt-Änte
Isch d Chärntangänte!
Aavorstadt ll
Im Literaturhus wird’s bald heiter
S git nämlich gli e neue Leiter.
Flotti Buebe, hübschi Meitli
laufe do a mir verbi.
Ach vor viele lange Johre
bin i au e so eis gsi.
Brunnen:
Klausbrunnen
De Chlaus ufem Brunne rotiert,
d Rotarier händ e mit Fritt-Öl gschmiert.

Güggelbrunnen
De Güggel uf em Güggelbrunne
blinzlet froh i d Morgesunne
blinzlet froh, blinzlet froh
mached s doch au alli so!
Ortellibrunnen
I de Altstadt
zügle d Läde
über d Gass.
Schützenbrunnen
Hüt isch d Schützi
s Familiezäntrum.
Kronenbrunnen
Obe voll und unde lär,
wenns mit de Auto nur umgekehrt wär!

Römerbrunnen
Di wisse Schaf händ wissi Röck.
Di schwarze Fräck sind nur für d Böck.

Begegnungsbrunnen
Links tüends Turnhalle abrisse,
rechts bi de Prüefige bschisse!

Ammerswilerbrunnen
Widmi :-(

Warteckbrunnen
Immer meh Kreisel –
Und doch laufts z Länzburg nid rund.

Aabachbrunnen
Im Chli-Venedig
fählt nur no d Gondle.
Sternenbrunnen
Mini Blueme blüje
für d Susann.

Aktuelle Nachrichten