Startseite
Aargau
Brugg
Fasnacht im Aargau
CIA spioniert Brugger aus: Das sind die besten Schnitzelbänke der wegen Corona verkürzten Fasnacht
Mit träfen Sprüchen haben die Brugger Schnitzelbänkler in der Värslischmitte und im Laternli die – diesmal ultrakurze – Fasnacht lanciert.
Raketen aus kleinen PET-Flaschen zieren die Tische im aufwendig und hübsch dekorierten Brugger Salzhaus. Unter dem Motto Galaxy hat die Värslischmitte-Truppe am Donnerstagabend zum Take-off eingeladen. Space-Explorer in Astronautenanzügen haben sich im «Himmlischen Traumschiff» um das Wohl der gut gelaunten Gäste gekümmert. Zeitgleich finden auch im Laternli der Rrätz-Clique Brugg Auftritte der sechs Schnitzelbankgruppen statt. Musikalisch umrahmt wurde das Programm von den Schwellbaumschränzern, der Rrätz-Clique sowie von der Gugge Opus C Voll. Wir haben alle Zettel studiert und geben hier eine Kostprobe der besten Verse.
Oschterzäpfe
Als Solist blickt der Oschterzäpfe unter anderem auf den letzten Sommer zurück und denkt schon an die Regierungsratswahlen im Herbst.
Letscht Sommer im Hallwilersee schwimm ich ganz angetan,
ich crowle grad as Ufer zrugg, do gsehn ich en Kaiman,
ich mäldes grad der AZ – ond ich google denn spontan,
ou nei – läck esch das piinlech jetzt – das Tier das heisst jo Schwan.
***
Am erschte Stadtfescht-Wochenänd han ich mich öberwunde,
& ha de Wäg as Bruggerfescht schliesslech knapp noh gfunde.
Im Nochhinein betrachtet het das quasi no rentiert,
well niemer het min ned vorhandne Feschtpass kontrolliert.
De Dieter Egli esch wie gmacht zom de Urs Hoffmann beerbe,
Mer frogt sech nor: Werom tuet er sech ned deför bewerbe?!
Er esch wählbar bis wiit rächts & sis Profil das passt genau,
Nor eis einzigs Chromosom esch falsch: de Dieter esch kä Frau.
***
De ganzi März kei Plastik bruuche – heisst d’Devise,
Das bringt die z’Bade säg ich euch chli i ne Krise,
Jo ohni Mikro-Plastik ich säg ders chasch vergässe,
Do bliibt der nüt meh zum Trinke & zum Ässe.
...& s’allerschlimmschte, do rüersch alles uf de Huufe:
Chasch ned mol meh – es Corona suufe!
Di 3 vo Brugg sind dieses Jahr mit einer Frau und als Klimawanderer unterwegs.
Der Usserirdisch
Peter Müller, der sich jedes Jahr einen neuen Namen gibt, thematisiert nicht nur das britische Königshaus, sondern auch komische Situationen vor der eigenen Haustüre in Windisch.
Bis Windsors hanget de Hussäge schief:
De Brexit druckt sie abe tief.
Harry und Meghan laufe nümm ganz rund –
und de Andrew het Gedächtnisschwund
***
Frau K. und Herr M. vo der Schuelpfleg Windisch
Was die sich leischte, isch nur no chindisch!
Bi der Frau Roth hämmer au müesse plange,
doch denn isch sie immerhin sälber ggange
***
Am Bahnhof Brugg töffsch nümm viel mache:
Rollbrett, Velo, Trotti sind verboteni Sache!
Erlaubt isch no, han-i geschter erfahre:
Mit em Rollkoffer im Muusloch durefahre!
Ultimo Giro
Die Badener Schnitzelbank-Gruppe ist zum dritten Mal in Brugg zu Gast. Scharfsinnig und von rhythmischen Liedern begleitet, analysiert sie die Wahlen und kündigt an, auch 2021 wieder an der Fasnacht teilzunehmen.
Was bedütet überhaupt die grüeni Wälle für d’Schwiiz:
... dass mer kei Fädere meh vo tote Tier dörfed ässe
... dass Furze verbote wird wägem Co2- uustoss
... dass mer alli müend de Gürtel enger schnalle, die einte um de Buuch, die andere um de Hals
... dass aber au Vegetarier nöd gärn is Gras bissed
... dass de Grill-Ueli arbeitslos wird
... dass mer mit ere Bratwurscht i de Hand vors Lokal mit de Raucher stah müend
... dass me sich i de Intimzone nümm dörf rasiere, will dänn de Läbesruum vo de Schamluus zerstört wird
... dass es statt Chind nur no Sprössling git
... dass trotz de Sparlampe d’Banane grüen blibed
... dass sich au die Grüene blau ärgeret
... dass mer d‘Wurscht bim Gärtner chaufed
... dass d’Spanisch Brödli Bahn vo Ross zoge wird
... dass de Spruch «ich chönnti Bäum uusrisse» verbote wird
... dass mer nur no Grasfaserkabel tuend verlegge
... aber Gras rauche und Heu schnupfe –
das lömmer eus nüd verbüte
Di 3 vo Brugg
Da sich der Brugger CVP-Stadtrat Jürg Baur für eine Kreativpause entschieden hat, haben die beiden verbleibenden Kumpels das Trio dieses Jahr mit einer Frau komplettiert und sich als umsichtige Klimawanderer präsentiert.
Eis Kamel und zwei Kamel
drei Kamel – ganz viel Kamel
derzue chunnt no es Dromedar
do hets Verkehr, das isch jo klar
in dr Wüeschti – d’Karawane
muess en Wäg zur OASE plane
doch die OASE – luegsch gnau hi
cha nur e Fata Morgana si
***
S’Abfallkonzept vo eusrer Stadt
Das finde mir scho schuurig glatt
ein Stadtrot tuet sich engagiere
über d’Medie eus z’informiere
dä isch modärn und motiviert
das Thema isch halt kompliziert
als Service Public – das jede Morge
hilft neu dr Reto bim Entsorge
***
De Wilder Geert, jo dä vo Holland
de Johnson Boris dä vo England
de Donald Trump vo Amerika
de M. Salvini – Italia
d AfD im dütsche Norde
dr Erdogan ghört au zur Sorte
mit Ungarn, Tschechie gohts grad witer
in China isch es bsunders schyter
die alli säged und das isch schlimm
sie seiged ihres Volkes Stimm
mir 3 vo Brugg, mir hoffed drumm
all die Völker sind nit so dumm
doch au bi eus im Schwyzerland
nänd die Gedanke überhand
bloost d’SVP is gliiche Horn
das wei mer ned – weder hüt no morn
***
Hesch du Angscht vor em schwarze Maa muesch psychologisch Unterstützig ha Verfolgigswahn chunnt no derzue
das alles nimmt dir dini Rueh
wirds nur schlimmer, immer chränker denn bisch Du sicher CS Bänker
Wüelmüüs
Die Sprüche dieser Schnitzelbank-Gruppe bildeten das lokale Geschehen besonders gut ab. Ein krönender Abschluss um 23 Uhr für alle Zuschauer mit Sitzleder!
Uf em Lauffohrer Fäld wird Wasser gstaut,
will dr Schwarz neu Ris abaut.
Was wott dä dört no meh abaue,
dass sie jetz au Auto staue.
***
S Gheimnis vom Abfallkonzept zum Schluss:
Mir wüsse meh, dr Schuss isch duss.
Dr CIA hett das Konzept lanciert,
us de Abfallsäck wird jetz spioniert.
***
Für Schnitzelbänkler isch das Johr famos,
denn ei Problem sin mer jetz los.
Bim Dichte müend mer nüme flueche,
uf Brescianini muesch kei Reim meh sueche.
***
D Värslischmitte hett e gueti Idee.
Die Diskussione um e Klimawandel sind passé.
Mir göhn in e anderi Galaxy
und lönd dr Dräck uf dr Ärde lo sy.
